Institut haqida

Institut haqida

Qoraqalpog‘iston dehqonchilik ilmiy-tadqiqot instituti 1928 yildan Toshkentdagi paxtachilik ilmiy–tadqiqot institutiga qarashli Qoraqalpog‘iston zonallik tajriba stansiyasi bo‘lib tashkil etilgan.

Qoraqalpog‘iston dehqonchilik ilmiy-tadqiqot instituti 1958 yil 28 mayda O‘zbekiston Respublikasi qishloq xo‘jalik Fanlar akademiyasining 50-K-sonli qarori asosida tashkil etilgan.

Institutda 1958 yildan boshlab 15 laboratoriya hamda sektorlarda olimlar ilmiy ishlarini olib bordi.
1958–2020 yillar mobaynida 2 ta akademik, 8 ta ilm doktori va 22 ta qishloq xo‘jaligi fanlari nomzodlari qishloq xo‘jaligi sohasida o‘z ilmiy ishlarini himoya qilgan.

Natijada institut selektsioner olimlari tomonidan g‘ozaning 12 ta navi, kuzgi bug‘doyning 4 ta navi, kungaboqarning 4 ta navi, bedaning 3 ta navi, Sudan o‘tining 2 ta navi, Afrika tariqining 1 ta navi, nokning 2 ta navlari yaratilib rayonlashtirilgan va Davlat reestriga kiritilgan.

Shuningdek, qovunning 30 ga yaqin mahalliy navlari qayta tiklandi. Olmaning 40 dan, nokning 30 dan ortiq navlari o‘rganilib, tanlov orqali Qoraqalpog‘iston sharoitida ekishni kengaytirish maqsadida tavsiyalar berildi.

1980–1990 yillari institut tajriba xo‘jaligi bedaning Qoraqalpoq–1, Qoraqalpoq–15 navlarining sifatli urug‘larini yetishtiruvchi asosiy bazaga aylandi va buyurtma bo‘yicha chet davlatlarga sifatli beda urug‘i yetkazib berildi.

Qoraqalpog‘iston dehqonchilik ilmiy-tadqiqot instituti logotipi

1928-yildan beri · Chimboy

Qoraqalpog‘iston dehqonchilik ilmiy-tadqiqot instituti

Qaraqalpaqstan Diyxanshılıq Ilim-izertlew Institutı · QQDIII

Tarix: 1928-yildan bugungacha

1928

Tajriba stansiyasi

Toshkentdagi paxtachilik ilmiy-tadqiqot institutiga qarashli Qoraqalpog‘iston zonal tajriba stansiyasi sifatida ish boshladi.

1958

Institut tashkil etildi

28-mayda O‘zbekiston qishloq xo‘jalik fanlari akademiyasining 50-K-sonli qarori bilan institut tashkil etildi; 15 ta laboratoriya va sektorda ilmiy ishlar boshlandi.

1958–2020

Ilmiy maktab

2 ta akademik, 8 ta fan doktori va 22 ta qishloq xo‘jaligi fanlari nomzodi dissertatsiya himoya qildi.

1980–1990

Beda urug‘chiligi markazi

Tajriba xo‘jaligi bedaning “Qoraqalpoq-1” va “Qoraqalpoq-15” navlari sifatli urug‘larini yetishtiruvchi asosiy bazaga aylandi, urug‘ chet davlatlarga ham yetkazildi.

2014

Qayta tashkil etish

O‘zbekiston Respublikasi Prezidentining 10-fevraldagi PQ-2125-son qarori asosida.

2021

Yangi tizimda

PF-6159, PQ-4975 va Vazirlar Mahkamasining 601-son qarorlari bilan Qishloq xo‘jaligida bilim va innovatsiyalar milliy markazi tarkibida faoliyat yuritmoqda.

2024

11 ta yangi nav

G‘o‘za, yumshoq bug‘doy, kungaboqar, sudan o‘ti va bedaning 11 ta navi Davlat reyestriga kiritildi. Institut navlari →

2025

108 ta ilmiy nashr

Shundan 26 tasi Web of Science va Scopus jurnallarida; 9 ta tavsiyanoma nashr etildi. Statistika →

12G‘o‘za
4Kuzgi bug‘doy
4Kungaboqar
3Beda
2Sudan o‘ti
2Nok
1Afrika tarig‘i
28ta nav institut seleksionerlari tomonidan yaratilib, rayonlashtirilgan va Davlat reyestriga kiritilgan. Shuningdek, qovunning 30 ga yaqin mahalliy navi qayta tiklangan.

Asosiy yo‘nalishlar va vazifalar

1

Ilmiy tadqiqotlar

Qoraqalpog‘istonning tabiiy-iqlim sharoitiga mos qishloq xo‘jaligi ekinlarining yangi navlarini yaratish va ularning hosildorligini oshirish.

2

Yer resurslaridan samarali foydalanish

Suv tanqisligi va yerlar degradatsiyasi sharoitida zamonaviy suv tejovchi texnologiyalar, agrotexnik usullar va meliorativ tadbirlarni joriy etish.

3

Agrotexnologiyalarni takomillashtirish

Klaster va fermer xo‘jaliklari uchun qishloq xo‘jaligi ekinlarini yetishtirishning ilg‘or usullarini ishlab chiqish va joriy etish.

4

Innovatsion yechimlar

Qishloq xo‘jaligini mexanizatsiyalash, organik va mineral o‘g‘itlardan oqilona foydalanish, agroekologiya va biotexnologiya sohasida ilmiy ishlanmalar yaratish.

5

Fermerlar va mutaxassislar uchun amaliyot

Qishloq xo‘jaligi xodimlarini o‘qitish, agrotexnologiyalar bo‘yicha maslahatlar berish.

6

Mahalliy sharoitga moslashgan ishlanmalar

Iqlim o‘zgarishiga moslashgan agrotizimlarni joriy etish, qurg‘oqchilik, sho‘r va kasalliklarga chidamli yangi navlarni yaratish.

Institut raqamlarda

1928Zonal tajriba stansiyasi sifatida tashkil topgan
1958Ilmiy-tadqiqot instituti sifatida tashkil etilgan
1 022,1 gaJami yer maydoni
539,0 gaQishloq xo‘jaligi yerlari
7Laboratoriya
1Ilmiy-tajriba xo‘jaligi
66Jami xodimlar, shundan 18 nafari ilmiy xodim
2 DSc · 9 PhDIlmiy darajaga ega xodimlar

2024-yilda Davlat reyestriga kiritilgan navlar

2024-yilda institut selektsioner olimlari tomonidan yaratilgan 11 ta nav Davlat reyestriga kiritilib, rayonlashtirildi:

2G‘o‘za
2Yumshoq bug‘doy
4Kungaboqar
2Sudan o‘ti
1Beda

Shuningdek, o‘rta tolali g‘o‘zaning 1 ta va yem-xashak ekinlarining 2 ta navi urug‘liklari Qishloq xo‘jaligi ekinlari navlarini sinash markazining taqdimnomasi asosida 6 ta nav sinash uchastkasiga yetkazib berildi. Navlar tavsifi — Institut navlari.

Infratuzilma

Ma’muriy bino

2 qavatli, 1928-yilda qurilgan.

Laboratoriya binosi

3 qavatli, 1975-yilda qurilgan. Institut laboratoriyalari joylashgan.

Biolaboratoriya binosi

1 qavatli, 1963-yilda qurilgan.

Kutubxona va tajriba xo‘jaligi

Ilmiy kutubxona hamda navlarni sinash va urug‘chilik uchun ilmiy-tajriba xo‘jaligi.

Huquqiy asos

Institut 1928-yildan Toshkentdagi paxtachilik ilmiy-tadqiqot institutiga qarashli Qoraqalpog‘iston zonal tajriba stansiyasi sifatida ish boshlagan. 1958-yil 28-mayda O‘zbekiston Respublikasi qishloq xo‘jalik fanlari akademiyasining 50-K-son qarori asosida ilmiy-tadqiqot instituti sifatida tashkil etilgan.

O‘zbekiston Respublikasi Prezidentining 2014-yil 10-fevraldagi PQ-2125-son qarori, 2021-yil 3-fevraldagi PF-6159-son farmoni va PQ-4975-son qarori hamda Vazirlar Mahkamasining 2021-yil 24-sentabrdagi 601-son qaroriga muvofiq qayta tashkil etilgan.

Institut O‘zbekiston Respublikasi Qishloq xo‘jaligi vazirligi tizimida, Qishloq xo‘jaligida bilim va innovatsiyalar milliy markazi tarkibida faoliyat yuritadi.

Yuridik manzil: 231407, Qoraqalpog‘iston Respublikasi, Chimboy tumani, Gujimli MFY, Akademik ko‘chasi, 42-uy. Telefon: +998 55 107-02-05. E-pochta: kkniiz@bk.ru
Scroll to Top